Hvað?

Jæja.. Það er nú meira veðrið alltaf hreint:O

Í morgun þá hrökk ég við að snjór var að hrynja af þakinu, svona meðfram því..og herbergið mitt er undir smá súð. Ég fékk létt hjartaáfall! En svo sofnaði ég aftur.

Svo seinna vaknaði ég við að mér fannst ég vera með náladofa í andlitinu, og fór eikkað að þreifa á andlitinu á mér.. en þá var þetta ekki náladofi!! :O

Vindurinn stóð svo mikið uppá gluggann hjá mér og snjóaði svo mikið að það voru farnar að koma svona örlitlar snjóflygsur inn um LOKAÐAN GLUGGANN!

Svo þegar ég ákvað að fara á fætur þá dreg ég frá, og sé bara skaflinn á glugganum hjá mér..að utan sko! Ekki furða haha::D

En sjaldan er öll vitleysan eins, aldrei lent í því áður að það hafi snjóað á mig inni með lokaðan glugga

Kv. Sigrún

Bindindi og veikindi

Jæja..komin tími á smá blogg!

Bindindi segji ég.. Það er ekki að ég ætli að fara að ganga með bindi heldur er komin í áfengis bindindi.  Það er mér barasta fyrir bestu, og öðrum líka! Ég er ekki búinn að ákveða hversu lengi, en ég kannski byrja að drekka smá á afmælinu mínu, eða svona kannski skála smá. Ég nenni bara ekki að standa í þessu lengur.

Veikindi sagði ég líka.  Ég er með magakveisu, fékk í gærkveldi en tók töflu til að laga það..en viti menn það lagaðist bara ekkert! Ég vaknaði í nótt með gubbupest! og líka í morgun og vesen...Ég hringi mig aldrei inn veika sko..leið ömurlega yfir því að þurfa að vera heima..en svo þegar marr verður heima þá hefjast kjaftasögur, oft af verri endanum. Það er allvega einsog það sé grjót í maganum á mér...samt er hann galtómur

Eníhú..framtíðarplönin þetta árið eru allavega komin í einhvern hönk..en só bí it... allt breytist, þar á meðal ég

 

Segjum þetta fínt..

KVeðja Sigrún 

 

Undur og stórmerki!

Já það hefur nokkuð gerst sem engum grunaði að ég myndi nokkruntíman henda mér útí á ævinni.. Það er að byrja að læra á bíl! Ég fór í fyrsta tíman sl. sunnudag og fór líka í gær og í dag Er ekkert smá klár! Svo hendi ég mér beint í ökuskólana og svo bara fleiri tíma og bara rusla þessu af! Tek Ö1 og Ö2 saman bara Þá ætti ég að geta verið komin með prófið í mars ca! En já þar til þá passið ykkur á veginum!

haha segji svona ..en bara monta mig smá!

 

Kveðja Sigrún

Draumar

Draumar og Draumleysi hafa angrað mig undanfarið.

Draumarnir sem angra mig eru þeir sem mig dreymir á nóttunni . Þegar ég kíki á hvað þeira geta þýtt þá sé ég bara : andlát, ástvinmissi, feigð og bara allt sem tengist að deyja. Þetta angrar mig svo mikið og dregur mig bara niður. Draumarnir eru drungalegir líka. Líkjast stundum martröðum. 

Draumleysið er hinsvegar að gera útaf við mig. Það er að ég veit ekkert hvað ég vil gera eða verða. Ég sé ekkert hvað ég vil, sé ekkert fyrir mér. Get ekki ýmyndað mér hvað ég verð að gera eftir X mörg ár. Og ég bara einfaldlega þoli það ekki.

Afhverju veit ég þetta bara ekki? :)

Ef einhver getur komið með hugmynd hva ég ætti að gera..þá er ég opin fyrir hugmyndum!

Kveðja Sigrún

Ég fann það!

Ég sat í rólegheitunum í garðhúsinu hjá Lindu nú fyrr í kveld og vorum þarna að spjalla ég, hún, Fanney og Haffi...

Þá sé ég svona plast dótarí af flugeldum..og sé kveikjara mér ásýndar...og viti menn ég byrja að fikta með eldinn og plastið...

Þá kom út þessir gasalegu smart og lekkert skúlptúrar! Til dæmis : SOGrör og GráiFiðringurinn !

Ég áttaði mig þarna á gífurlegum sköpunarhæfileika mínum og skapaði þetta undir listamanns nafninu Snjalli Mongólítinn. Þetta er án efa mín köllun!

Skítt með Piccaso, Monet, Michaelangelo og hvaða gaura sem er! Ég er Klár!

hahaha

vildi bara deila þessu

Kv. Snjalli Mongólítinn!

Árið 2007 í heild sinni

Þetta ár hefur svo sannarlega verið mikið ár.

Ár breytinga, gleði, sorgar, djamms, ferðalaga...og lengi gæti haldið áfram.

Þetta ár hefur verið svolítið verulega skrýtið. Öðruvísi en öll önnur ár. Því auðvitað er ekkert ár eins, aldrei sami dagurinn aftur. Maður rígheldur í minningar liðinna ára í von um að gleyma þeim aldrei þar sem þær eru manni dýrmætar og ómissandi, og vonar að einn daginn verður maður ekki alzheimer að bráð.

Janúar - Júní: Þetta var mjög sérstakt tímabil. Árið byrjaði nokkuð vel, en ýmislegt gekk á. Ég byrjaði aftur í skóla og hætti aftur. Byrjaði aftur að vinna eins og klikkhaus. Ég varð árinu eldri í Apríl. Allveg 19 ára gömul. En aldrei grunaði mig það að þegar ég yrði 19 ára að mánuði seinna væri einni manneskju færra í fjölskyldunni. Mikilvægri manneskju sem ég minnist hverja mínútu á hverjum degi. Manneskja sem er nánari þér en nokkur annar gæti komið til með að vera. MAnneskjan sem þú deildir líkama með í 9 mánuði. Já manneskjan sem er móðir mín. Því miður varð hún krabbanum að bráð á þessu ári, og sakna ég hennar sárt.

Júlí - Desember: Öll sorgin lifir enn eftir fráfall móður minnar. En samt lífið verður að halda áfram. Síðasta sumar fór ég í allnokkrar útilegur og fór í fyrstu utanlandsferðina mína! Ég djammaði allveg vel og mikið, samt ekkert of mikið. Ég fór að vinna enn meira í haust og fór í kvöldskóla. Einkennist bara allt af vinnu. Í desember eru jól, srýtinn jól en góð jól.

Þegar ég lýt yfir árið sem er að líða, þá er það fullt af gleði og sorg. Ég tek árinu sem er að koma fagnandi. Búinn að heita því að ég fari í ræktina á fullu og ætla ég að standa við það í þetta skipti. Ég ætla líka meira til útlanda! Og vera dugleg að spara. Yfirleitt er ekki staðið við nýárs heitin en ég  get ætla og skal standa við þau!  Enda verð ég líka 20 á næsta ári!!!

Núna horfi ég bjartsýn framá við. Hlakka til þessa árs!

Gleðilegt nýtt ár öll sömul og takk fyrir það gamla! Megi þetta ár verða okkur öllum til hins betra!

Kveðja Sigrún

Nóttin var sú ágæt ein..

Í allri veröld ljósið skein.

Þetta lag vekur upp gamlar minningar

var að hlusta á þetta lag áðan með Dikta, og btw Dikta er bara ein af mínum uppáhalds íslensku hljómsveitum! Þetta lag tekur sig bara vel út í þeirra útgáfu

En já jólin að koma bara Þau eru bara á mánudaginn! Ég er að vísu búinn að versla allar jólagjafir Það er bara nett..og búinn að pakka þeim inn!

Ég veit ekki hvort ér geti sagt að ég sé komin í jólagírinn, því þetta verða ábyggilega erfiðustu jól sem ég mun upplifa Sakna mömmu svo mikið. Að þurfa að horfa fram á jól án hennar er fáranlega erfitt!  Of sársaukafullt að skoða jóladótið og hugsa að mamma verði bara þarna í anda þessi jólin, og að um áramótin sé þá ekkert símtal frá mömmu að tékka á mér..

En á vissan hátt þá er ég komin í smá jólagír Hún Jóhanna systir er svo dugleg að baka! Mömmukökur, sörur og piparkökur..bara algjer bakarískona Svo er jólatréð komið upp, stórt og fínt! Gasalega lekkert! Og búið að skreyta mikið..það eina sem er svona eftir að klára er jólahreingerninginn hehe...ekki uppáhaldshluturinn minn en partur af jólunum

En jæja ég segji þetta gott í bili! Kannski skelli ég einu bloggi fyrir jól en ef ekki þá GLEÐILEG JÓL ÖLLSÖMUL!

Með vísnasöng ég vögguna þína hræri! haha

Kveðja Sigrún

Smásál

Smásál
-----------

Ef ég tjái tilfinningu,
þá er ég að væla.
Það er stundum erfitt að hugsa,
án þess að fara að skæla.

Lífið heldur áfram já,
hvað ertu að pæla?
Þetta er svo útúrsnúið allt saman,
að mig langar til að æla.

Ég er bara lítill fugl,
sem er ófleygur.
Ef ég get ekki gert eitthvað,
þá kallaru mig heigul.

Það er bara erfitt fyrir mig ,
allavega einsog er.
Þú berð ekki fyrir því virðingu,
hvað þá fyrir mér.

Þú ert einsog kónguló,
sem vefur mér í vef.
Hjálparlaus lítil vera,
sem reynir að slíta sig frá þér.

Stundum þarf fólk súrefni,
en ég næ ekki að draga andann.
Mér finnst það svoldið aumkunarvert,
að þú getir ekki séð og skilið vandann.

(höf. SB)

Danmörk í hnotskurn!

Jæja ferðasgan ógurlega:D

14-16 nóv:

• ég og ólöf vorum 2 þetta tímabil og verlsuðum helling og læti...en þó aðallega verslað:D geggjað gaman:D Fisketorvet, strikið, og amager center:P

17: nóv:

• Sáum Dilönu og Magna...Leiðast!
• Strákar ganga í þrengri buxum en stelpur!
• Sigrún strippaði við matarborðið!
• Ólöf og Erna perrar = sifjaspell!
• Tískusýning!
• Drykkja, drykkjuleikur = entist ekki lengi!
• Hendin á Ernu hvarf í brjóstunum á Ólöfu!
• Lag ferðarinar = Give it too me!
• Sigrún Boobieshaker!
• Fórum á Hard Rock og fengum okkur kokteila!

18. nóv:

• Tókum til!
• Tívolí! óendanlega gaman! Sigrún = chicken, Ólöf og Erna = hetjur!
• Skelltum okkur á bar og fengum okkur ísbjörn, sjúkarabíl og jólabjór!
• Fórum í danskt bíó á We own the night,  og sætin eru valin fyrir mann!
• Danir borða MIKIÐ popp!
• Ólöf týndi vettlingum!
• Strætó gekk ekki þegar við vorum komnar hálfa leið!
• Ólöf fílar ekki danskt klám, lærin eru of stór!
• Svo var farið að sofa.

19. nóv:

• Vöknuðum eldhressar! Erna og Ólöf = skrýtin hljóð!
• Fengum okkur pizzzu í morgun mat einsog alla hina dagana! nema ég, ég borðaði mandarínur...ég er soddan nektarína:P
• Tókum strætó í Field's!
• Versluðum smá!
• Föttuðum að við værum eigilega búnar með peningin!
• Keyptum dvd myndir og fórum heim að horfa og átum nammi (og vodka) !
• Enduðum daginn á því að fara að sofa eftir langt kúr og mikið flipp! (kláruðum að pakka)

20. nóv:

• Vöknuðum kl: 9 (8 á íslenskum tíma)
• Tókum strætó á Strikið!
• Sigrún bjó til bangsa! Meget sjovt!
• Tókum strætó á strikið!
• Tókum svo strætó í fiskitorfið! (fisketorvet)
• Erna og Ólöf keyptu sér flottustu skó ever! rauðu skóna sem Ernu dreymdi um
• Borðuðum á sunset boulivard! meget godt!
• Fórum svo heim.
• Kláruðum að pakka! TRÓÐUM í töskurnar...aðallega Ólöf og Erna!
• Horfðum á Friends!
• Skelltum okkur í taxa á völlinn kl: 18
• um 19 fengum við okkur pizzu, pepsi og bjór!
• Sigrún lenti í árekstri við hjól! Það fer í GUINESS!
• Sigrún hljóp á skáp, á rúmið, skallaði koju, var kýld í magan 2svar og er enn á lífi...hún er á batavegi!
• Ernu fannst tilvalið að blanda vodka í vatn!
• Héldum að við værum búnar að missa af vélinni!
• Ólöf smakkaði hvítt súkkulaði í flugvélinni, meira segja úr sætinu fyrir framan!
• Tókum hengimann í vélinni!
• Ókyrrð í lofti!
• Vorum ekki teknar í tollinum :D

Þetta var ferðin svona í grófum dráttum! hhahahaha:D

en kveð í bili;)

Kveðja Sigrún :) sem elskar köben!

Þetta er eitthvað til að hugsa um!

Sko ég var áðan úti að borða með Lísu vinkonu og hún kom með mjööög góða pælingu fyrir mig og hún var svo hljóðandi: Heimspeki er ekki alltaf eins því það fer bara eftir þeim sem pælir í henni.

Þetta er mjög góð pæling. Þetta var algjör snilld! ég elska þessa pælingu!

Svo er það tungumáli okkar íslendinga sem ég hef verið að velta fyrir mér undanfarið. Svona dæmi eins og hvað íslenska er rosalega hratt tungumál! Ég meina tökum dæmi:

1. Blómabeð
2. Svitalyktar eyðir
3. Geisladiskur

Þetta eru allt orð sem maður segir nú svona ef til vill nokkrum sinnum á ævinni og þetta eru frekar hröð orð.

Svo er eitt sem er algjerlega fáranlegt! Geitur, þær eru útí móa á beit. Og allt í góðu með það. Afkvæmi þeirra kallast KIÐLINGAR? Og svo eru til flugur sem heita GEITUNGAR? HVAÐ VAR PÆLINGIN ÞARNA? Eru flugur með geitartopp? Jarma flugur? Standa flugur á beit?

Þetta er svona frekar kjánalegt.

Svo eru sum orð sem bara gjörsamlega meika ekkert vit!

Ég hef nefnt þetta orð áður og það er orðið folald.
Hverjum í ósköpunum dettur í hug að skýra afkvæmi hests folald?

F-O-L-A-L-D  þetta er 6 stafa orð og þú ert í heila eilífð að segja það, svona hrikalega "langt" orð...ætti ekki að vera erfitt! En ókey viðurkenni þó, að fol getur verið dregið frá foli og ald frá aldi folans en samt sem áður er verið að ræða um hesta!

Já ég hlýt að vera insane in the mid brain en mér er sama:D þetta er bara svona spes hugsanir haha:D

Pælið í þessu:)

Kveðja Sigrún:)